Ашхабодлик Соня исмли аёлнинг айтишича, шаҳар жамоат транспортида юришга бериладиган карталарни олиш учун зарур ҳужжатлар, жумладан боланинг ўқиш жойидан справка топшириш керак бўлади.
"Мен, транспорт картасини олиш учун бола ўқиш жойидан справка тақдим қилиши кераклигини билмаган эдим", - дея таъкидлайди ашхабодлик аёл. Унинг сўзларига қараганда, ота-оналарга ўз вақтида карталарни расмийлаштириш тартиби борасида маълумот беришмаган.
Туркманистон пойтахти жамоат транспортида нақд пулсиз тўлов тартиби 2017 йил октябрида кучга кирди. Ўшанда карта нарҳи 5 манатни, автобусда бир марталик юриш ҳақи эса 30 тенгени ташкил қиларди. Туркманистон Марказий банки расмий курси бўйича 3.5 манат - 1 АҚШ долларига тенг (транспортда юриш учун тўлов 6 ёшдан бошлаб амалга оширилади).
Орадан бир ой ўтиб, 1 ноябрь куни жамоат транспортида йўл ҳақи ўртача 60%га қимматлашди. Пенсионерлар учун бир ойлик йўл кира ўзгармай қолди, яъни 1 манатни ташкил қилади. Мактаб ўқувчилари учун карталар нархи 2 манатга тенг. Талабалар учун имтиёз кўзда тутилмаган.
Бундан аввал, транспорт карталарини расмийлаштириш ва харид қилиш мақсадида пойтахтдаги почта бўлинмаларида узундан узун навбатилар мавжудлиги ҳақида хабар тарқатилган эди. Шунингдек, Ашахабод автобусларига ўрнатилган тўлов терминалларининг носозлиги туфайли йўл ҳақини тўлашдаги муаммолар борасида ҳам маълум қилинган эди.