«ҚРнинг Тожикистон билан асосий ўзаро фаолияти Хўжанд шаҳри билан амалга оширилаяпти, лекин у ерда бизнинг ваколатхонамиз йўқ экан», - деб тушунтирди у.
Шу билан бирга Товбалди Тиллаев чет эллардаги Қирғизистон элчихоналарининг фаолиятини парламентда муҳокама қилишин таклиф этди:
- Агар ҳисоблаб кўрсак, умумий ҳисобда хорижда бизнинг 38 та дипломатик ваколатхоналаримиз бор. Бироқ биз улар фаолиятининг сезиларли натижаларини кўрмаяпмиз. Балки февралдаги кун тартибига шу масалани қўйиш ва ҳар бир ваколатхонанинг иши бўйича вазир(ташқи ишлар)нинг ҳисоботини эшитиш лозимдир. Давлат уларни сақлаб туриш учун миллионларни сарфламоқда. Менинг назаримда, баъзи ваколатхоналарнинг ходимлариўз маошларини олар экан, фақат шундай ишга эгаликларидан хурсанд бўлишади, холос. Инвестицияларни жалб қилиш фаолияти билан жуда оз элчихоналар шуғулланмоқда, кўпчилиги эса зарур ишни бажармаяпти.
Қирғизистон 116 давлат билан дипломатик алоқалар ўрнатган ва 71 та халқаро ташкилот билан ҳамкорлик қилади. Хорижда ҚРнинг 30 та дипломатик ваколатхонаси ва 8 консуллиги мавжуд.