Ссылки доступа

Қозоғистон махсус хизматлари олтин рудасини Хитойга олиб чиқаётган жиноятчиларни фош этди


Қозоғистон махсус хизматлари узоқ вақтдан бери ноқонуний йўл билан қазиб олинган, таркибида олтин бўлган рудани Хитойга контрабанда қилиб олиб чиқиш билан шуғулланиб келган уюшган жиноий гуруҳнинг фаолиятига чек қўйди, деб хабар бермоқда Миллий хавфсизлик давлат қўмитасининг ахборот хизмати.

Хабар қилинишича, “Олма ота, Остона ва Степногорск шаҳарларида махсус операция ўтказиш давомида гуруҳ аъзолари, жумладан Хитойнинг бир фуқароси ушланган”.

«Алтинкўл станциясида умумий оғирлиги 106 тонна бўлган, таркибида олтин мавжуд руда ушлаб қолинган. Қалбаки ҳужжатлар олиб қўйилган. Кўрсатилган шахслар томонидан фойдаланилаётган омборлар биноларида тинтув тадбирлари ўтказилган. Рудада олтин мавжудлигини ўрганувчи қўлбола лаборатория фош қилинди», - деб хабар қилди МХҚ матбуот хизмати.

Ушбу фактлар бўйича судгача бўлган тергов бошланган, бир қатор экспертизалар тайинланган.

XS
SM
MD
LG