Ссылки доступа

Мирзияев интернетті тез әрі арзан етуді тапсырды


Өзбекстан президенті Шавкат Мирзияев ақпараттық-технологияны дамыту және ақпараттық қауіпсіздікті қамтамасыз ету жөніндегі үкімет отырысы кезінде елдегі интернет бағасын арзандатып, оның жұмысын тездетуді тапсырды.

«Маған берген есеп бойынша, елде 20 миллион адам интернет пайдаланады. Бірақ қызметтің шектеулігінен басым бөлігі «Telegram» арқылы хат алмасады екен», – деп атап өтті Шавкат Мирзияев.

Жиналыста ТМД-ның өзге елдерінде интернет жылдамдығы Өзбекстанға қарағанда он есе тез екені де айтылған.

Президент Мирзияев интернет бағасын түсіріп, жылдамдықты арттыруды тапсырып, Өзбекстан 2020 жылға дейін ТМД-ның өзге елдерін қуып жету керек деген.

XS
SM
MD
LG