Авиация ҳодисалари тадқиқотлари бўйича эксперт Фрэнк Тейлорнинг ҳисоботига таянган ҳолда комиссия самолётнинг сўл қаноти ичидан бўлган портлаш оқибатида зиён кўрди деган хулосага келди; детонация манбалари бир нечта; самолёт ерга қўнганида урилиб кетган дарахт қанотнинг илк зиён кўришига сабаб бўлмаган.
Польша бундан аввал ҳам Ту-154М бортида портлаш юз берганини айтиб келарди, бироқ Россия Тергов қўмитаси бу фикрни асосиз дея ҳисобламоқда.
2010 йилнинг 10 апрель куни Польшага тегишли Ту-154М самолётининг Смоленск яқинида қулаб тушиши оқибатида 96 киши ҳалок бўлди. Ҳалок бўлганлар орасида республика президенти Лех Качиньский ҳам бор эди. Фожиа ҳамон тергов қилинмоқда. Польша тергов комиссияси баёнот бериб, самолёт корпуси миналаштирилганини айтади. Россия расмийлари ҳалокатга учувчининг хатоси сабаб бўлганини айтишади.