Олардың сөздерінше, фермерлерге мақта жиыны бойынша жоспарды орындамаған фермерлерге айыппұл салып жатыр. Прокуратура істі сотқа беріп, сот шешімімен айыппұл төлеуді міндеттеп жатыр екен. Ақша төлеуден бас тартқан диқаншыларға мемлекет пайдасына мүліктерін тәркілейміз деп ескерткен.
Дашогуздық диқаншылар Азаттықтың түркімен қызметіне берген сұхбатында мемлекет жерді игеру үшін заманауи техникамен қамтамасыз етпегенін, тыңайтқыш алуға қаржы бөлмегенін айтады. Бұл мақтаның бітік шықпауына себеп болған.
Өткен күзде түркімен билігі 1 млн 50 мың тонна көлемінде мақта жиып, жемісті нәтиже алғанын мәлімдеген.