Унинг сўзларига қараганда, ОАВдаги Жалилов парламент депутатлари Аида Қасималиева ва Эльвира Сурабалдиева, шунингдек ҳуқуқ ҳимоячилари Бибисора Рисқулова ҳамда Азиза Абидрасуловлар билан судлашмоқчи эканлиги ҳақидаги ахборот ҳақиқатга тўғри келмайди.
«Ҳали бизга, гўёки, менинг ҳимоям остидаги шахснинг устидан тушган ариза бўйича тергов натижаларини хабар қилишмади. Биз шунинг якунларига қараб қарор қабул қиламиз», - деди Токталиев.
Эслатиб ўтамиз, олдинроқ Интернетда собиқ муфтий Чубак Жалиловнинг видеоёзуви тарқалган эди. Унда муфтий ўзининг иккинчи никоҳи ҳақида хабар қилган. Шундан сўнг, собиқ муфтийни ҳуқуқни муҳофаза қилиш органларига сўроқ қилиш учун чақиришганлиги, сўроқда у “биринчи хотинини расмий хотин, иккинчисини севгилиси” деб ҳисоблашини айтганлиги расман хабар қилинган эди.
Шундан кейин Жўқўрғу Кенеш депутати Эльвира Сурабалдиева Жалиловнинг чақириқларини “дунёвий давлатга қарши юриш” деб номлади, унинг ҳамкасби Аида Қасималиева эса “кўпхотинлилик Қирғизистоннинг дунёвий давлат сифатидаги таърифини қадрсизлантиради” деб топди. Парламент аъзолари ҳуқуқни муҳофаза қилиш органларига Чубак Жалиловнинг баёнотини текшириб кўришни сўраб мурожаат қилдилар.