Собиқ элчиларнинг фикрича, ҳурмат билан муносабатда бўлиш Америка манфаатларини ҳимоя қилишда ўта муҳимдир.
Трампга ёзилган мактубга 78 нафар собиқ элчи, жумладан давлат котибининг Африка ишлари бўйича собиқ ёрдамчиси Линда Томас-Гринфилд ҳам имзо чекди. Президентга йўлланган мактубда 54та мамлакатни ўз ичига олган қитьага қарашларини “ўзгартириш” тавсия қилинади. Улар Африкани “табий бойликлари деярли ўзлаштирилмаган” ва АҚШ билан чуқур тарихий илдизларга эга қитьа сифатида таърифлашган.
Трамп Африка мамлакатларини ўтган ҳафтада иммиграция тўғрисидаги қонунни рад қилганида “қўлланса мамлакатлар” дея таърифлаганини инкор қилмоқда. Бироқ тадбирда иштирок этганлар президент бу иборани ишлатганини айтишмоқда. Африка Иттифоқи ва бир қатор Африка мамлакатлари Трампнинг сўзларидан ўз норозиликларини билдиришди ва уни кескин танқид қилиб чиқишди.