«Миллий банк билан биргаликда давлат комиссияси қарор қабул қилди: ИСДФ маблағларининг 10 фоиздан кўп бўлмаган маълум қисми, “КазАгро” холдинги облигацияларини унинг тижорий фаолияти учун сотиб олишга йўналтирилади», — деди Шукеев. Вазирнинг сўзларига қараганда, ажратилган пулларга биринчи навбатда ғалла сотиб олиш режалаштирилган, бу ғалла кейинчалик яна сотилади. Шукеевнинг айтишича, ишлатилган пуллар яна қайтарилади.
Миллий банк томонидан бошқариладиган, аҳолининг ойлик бадаллари ҳисобига маблағлар тўпланадиган ИСДФда, бош вазир ўринбосарнинг айтишича триллион тенгедан ортиқ маблағ бор. «Биз арзон нархда ғалла сотиб оламиз. Уни сотганимиздан кейин пулларни қайтарамиз», —деди Шукеев.
Эслатиб ўтамиз, 2014 йилнинг октябрида Қозоғистон Ягона пенсия жамғармаси (ЯПЖ) 71,3 миллиард тенге (ўша вақтдаги курс бўйича 250 миллион долларга яқин)га Озарбайжон Халқаро банки(ОХБ)нинг қимматбаҳо қоғозларини сотиб олган эди, кейинчалик, ўтган йилнинг май ойида бу банк дефолтга учради. Қозоғистон расмийлари кейинчалик ОХБ қарзларини реструктуризация қилиш юзасидан режа мавжудлигини маълум қилди.
Ўтган ҳафтада Қозоғистон молия вазири Бахит Султанов парламентда қилган чиқишида Қозоғистон ҳукумати дефолтга учраган Озарбайжон банкига қўйилган облигацияларга сарфланган пуллар қайтарилишига ишонишини маълум қилди.