АҚШ Давлат депарнаментига кўра, санкция билан таҳдид солишнининг ўзиёқ Кремль билан муносабатларда “тийиб туриш воситаси”га айланиб улгурди.
Бу ҳақда душанба куни кечқурун Давлат департаментининг номини ошкор қилмаган ходими матбуот вакилларига хабар берди. Россия фирмалари билан савдо қилаётган хорижий давлатлар санкцияларнинг навбатдаги объекти бўлишлари мумкин. Давлат департаменти матбуот котиби Хезер Нойертнинг сўзларига қараганда, санкциялар ҳаракати натижасида, Россия ҳарбий-саноат комплекси маҳсулотларини экспорт қилишдан тушадиган миллиардлаб доллар потенциал даромаддан қуруқ қолди. Бу маҳсулотларни сотиб олишдан бир нечта чет эл фирмалари бош тортган.
Дональд Трамп маъмуриятининг қарори ҳақида қонун чиқарувчилар махсус махфийлаштирилган брифинглар вақтида хабар топишди. Баъзи қонун чиқарувчилар ўтган ойда янги санкциялар қўлланиши мумкин бўлган Россия якка шахслари ва юридик шахсларининг рўйхати қабул қилинганига қарамай чиқарилган маъмуриятнинг қарорини ёқламасликларини билдиришди. Қонун чиқарувчи демократ, Вакиллар палатасининг халқаро ишлар қўмитаси раҳбарларидан бири Эллиот Энгел, маъмуриятнинг Кремлни жазолаб қўйишни истамаётгани унинг “бўғзигача келгани” ҳақида баён қилди. Бироқ демократ сенатор Бен Кардин Оқ уй Россия ҲСК ва Россия разведка хизматлари билан бизнес юритаётганларни жазолашга тайёр эканлигини мамнун бўлганлигини билдирди.