"Дональд Трамп нима учун Россияга қарши санкцияларни ортга қолдираётганини Америкага тушинтириши керак эди, чунки Путин сўнгги беш йилда ўзини жангари каби тутмоқда", дея баёнот берди Луизианадан сайланган сенатор CNN телеканалига берган интервьюсида.
Душанба куни Трамп маъмурияти Конгресс фармойишларини бажариш мақсадида Россия ишбилармон доираларининг вакиллари ва амалдорлар рўйхатини эълон қилди, рўйхатдагиларнинг айримлари бугунги кунда ҳам санкциялар босими остида турибди, бироқ уларга нисбатан Россиянинг 2016 йилги президентлик сайловларига аралашиши сабаб қўшимча жавоб чоралари қўлланилмасдан келинаётган эди.
Сенатнинг халқаро қўмитаси раисининг ўринбосари, демократ Бен Кардин ҳам президентни танқид қилди. Унинг фикрича, президент АҚШдаги демократик жараёнларга Кремлнинг аралашувига сукут сақлаш билан четлаб ўтган. "Россия Қўшма Штатлар хавфсизлигига жиддий таҳдид солади, бу давлат шу йилнинг ноябрида Конгрессга бўлиб ўтадиган сайловларга аралашиши мумкин", деди Кардин. Унинг айтишича, "Биз, Россия яқинда Чехияда бўлиб ўтган сайловларга муносабатини кўрдик. Путин бошқа мамлакатлардаги демократик жараёнларни манипулация қилишга уринмоқда, президент Трамп “Мамлакатдаги вазият” борасидаги мурожаатида Кремль қилаётган ишларни эслатиб ўтиши керак эди".