Ҳужжатнинг махфий бўлими рўйхатдаги шахсларнинг санкцияларга тушган компаниялардаги активларни “қочиши”нинг олдини олиш мақсадини кўзлайди. Бу ҳақда Америка молия вазирлиги вакеили Тони Сэйег Bloomberg агентлигига берган интервьюсида маълум қилди.
Сэйегнинг сўзларига қараганда, хисобот нотўғри талқин қилинмоқда. Молия вазирлиги ҳисоботнинг эълон қилинган қисми очиқ манбаларга таянади. Маҳфий қисми эса маҳфий манбалар томонидан ёзилган.
Молия вазирлининг вакили рўйхатни санкция сифатида кўрмасликни таъкидлади. Бироқ, Сэйегнинг айтишича, идора “Россиянинг беқарорлаштирувчи фаолиятига” қарши эканлигини очиқ билдириб қўйди.
30 январь куни АҚШ Молия вазирлиги Россия президенти Владимир Путинга яқин бўлганларнинг рўйхати –“Кремль Ҳисоботи”ни эълон қилди. Уларга нисбатан санкциялар қўлланилиши мумкин. Ҳужжатга 210 киши киритилган. Жумладан рўйхатда Россия ҳукуматининг барча аъзолари, Путин маъмурияти ходимлари, давлат корпорациялари раҳбарлари, ҳуқуқ тартибот идораларининг бошлиқлари ва олигархлар бор. Ҳисобот эълон қилинганидан кейин АҚШ молия вазири Стивен Мнучин баёнот бериб ҳисобот асосида Россияга нисбатан қўшимча чекловлар жорий этилиши эҳтимолини айтди. Молия вазири тафсилотларни ошкор қилмади.