Қизнинг қариндошларидан бирининг гапига кўра, болани танасининг ўнг томони қовурғаси ёрилган, айрим қисмлари мажақланган. Бугун жаназаси қизнинг бўлди.
Олтиариқ туманидаги 6-сонли боғча тарбиячисининг айтишича, Кибриёнинг ота-оналари ўтган йил август ойида Туркияга ишлагани кетишган, бола бувиси қарамоғида қолган. Боғча ҳамшираси Кибриёни икки болага қўшиб, ўзларини уйига жўнатган.
"Уйлари боғчага яқин жойда-да. Лекин, билсак болалар уйига етиб бормаган. Қидириб-қидириб катта болаларни топишди, Кибриёни топиша олишмади. Уларнинг айтишича, қандайдир велосипедли эркак боғчадан чиқишлари билан қанд олиб бераман, деб қаергадир олиб кетган. Узоқроқ юришгач, катта болаларга сизлар туриб-туринглар, биз Кибриё билан қанд олиб келамиз, деб олиб кетган. Шу билан қайтмаган. Кечқурун шунақа бўлганини кейин биз эшитдик", - деди боғча ходимаси.
Олтиариқ тумани прокуратураси ҳозир мазкур ҳолат бўйича жиноий иш очиб, ҳодисани тергов қилмоқда. Фарғона ҳуқуқ-тартибот идораси мулозимининг айтишича, болаларга қанд олиб бераман, деб уларни олиб кетган велосипедли эркак ушланган ва у ҳам ҳозирда кўрсатма бермоқда.
Ҳуқуқ-тартибот идораларидаги манбаса кўра, экспертиза қизнинг зўрланмагани, тана аъзолари ҳам олинмаганини кўрсатган. Терговчилар қизни поезд босиб кетган, деган фаразларни ҳам ўрганмоқда.