Дашўғуздаги манбаларнинг сўзларига қараганда, бюджетдагиларни ҳар бир инсон учун сотиб олинадиган 5-10та лампа ходимларнинг ойлик маошларидан ушлаб қолинишидан огоҳлантиришган. Расмийлар кўрилаётган бу каби чораларни изоҳлашар экан электроэнергияни тежаш, шунингдек, аҳолини электр билан таъминлаш сифатини яхшилашга қаратилганини айтишмоқда.
Куни кеча энергия билан таъминлаш муаммоси мамлакат президентининг эътиборига тушиб қолди, бош вазирнинг қурилиш бўйича ўринбосари Дедебай Амангелдиевга қатъий хайфсан берилди, у сўнгги бор огоҳлантирилди, унга мамлакатдаги барча электростанцияларда текширув ўтказилиши юклатилди ва қисқа муддатларда носозликлар бартараф этилиши топширилди.
“Озодлик” манбаларининг айтишича, энерготежовчи лампаларнинг нархи ўртача 13-25 манат ($4-$7,30) туради.