Ссылки доступа

Астанада балдар ууланган бала бакча текшерилүүдө


Астанада бала бакчага бара турган жети бала менен эки киши инфекциялык ооруканага жөнөтүлдү. Шаардык билим берүү башкармалыгынан кабарлашкандай, дагы бир нече бала амбулатордук жардам алды.

7-февралда жергиликтүү ММКлар бала бакчага барган 10 бала жана тарбиячы бир маалда ооруп калганын билдирген. Ата-энелердин айтымында, бир топто тарбияланган балдар кусуп, ичи өтүп, температура болушкан. Дарыгерлер ичеги-карын инфекциясы жана ангина деген диагноз коюшкан.

«№ 36 "Балапан" бала бакчасындагы абал боюнча ата-энелерден даттануулар келип түштү. Учурда инфекциялык ооруканага тогуз киши жеткирилди: жетөө жаш бала, экөө – тарбиячы жана бала багуучу. Калган балдар үйлөрүндө дарыланууда», — деди башкармалыктын башчысы Ануар Жангозин.

Уулануунун себептерин аныктоо үчүн комиссия түзүлдү, бала бакчанын ашканасы текшерилди жана экспертиза өткөрүү пландалууда.

XS
SM
MD
LG