Раҳмат Оқилов юк машинасини олиб қочиш ва Швеция пойтахтида пиёдаларни босиб кетишда гумон қилинмоқда, бунинг натижасида беш киши ҳалок бўлган эди. Оқиловга терроризм ва террорчилик ҳаракатини амалга оширишга уриниш айби қўйилган. Ишни кўриб чиқишни май ойида якунлаш ва у бўйича ҳукмни июнда эълон қилиш режалаштирилмоқда. Судда кўриб чиқиш давомида Оқилов ҳаракатларининг мотивлари аниқланиши, шунингдек, ҳужум олдиндан режалаштирилган бўлган ёки бўлмаган, деган саволга жавоб берилиши кутилмоқда.
Оқиловнинг судда нутқ сўзлаши 20 февралга режалаштирилган. Оқилов 7 апрелдаги ўлим келтирган ҳужумга қадар, ҳужум вақтида ва ундан сўнг “Ислом давлати” (ИД) экстремистик гуруҳининг жангарилари билан бевосита алоқада бўлганлиги эҳтимоли аниқланди.
ИД гуруҳи Стокгольмдаги ҳужум учун жавобгарлиги ҳақида баён қилмаган.