Ссылки доступа

Тәжікстанның оңтүстігінде ИМ тулары табылған (видео)


Тәжікстанда Вахш ауданы "Тоджикобод" елді-мекенінде онға жуық адам "Ислам мемлекеті" (ИМ) террористік ұйымымен байланысы бар деген күдікпен ұсталған.

Ұсталғандардың ішінде Исламның жаңғыруы партиясының негізін қалаған Саид Абдулло Нуридің немере інісі Нусратулло Саидов та бар.

Белгілі болғандай, 16 ақпанда ИМ-нің қара туы табылғаннан кейін ауылда жаппай тексеру басталған.

Ауыл төрағасы Холмурод Нуриддинов Нусратулло Саидовтың «Истиклол» ауыл шаруашылығы ғимаратының шатырында ИМ-нің екі бірдей қара туы ілініп тұрғанын айтады. Тағы үш ту ғимарат ішінен табылған.

Нусратулло Саидовтың өзі дүйсенбі күні құқық қорғау органдарының тергеуінен кейін босатылғанын айтады.

«Ешкім мені тұтқынға алған жоқ. Мен бостандықтамын. Бірер күн бұрын менің жұмыс кеңсемнің шатырының төбесіне біреулер "Ислам мемлекеті" тобының қара туын іліп кетіпті. Билік кінәлілерді ұстағанын қалаймын»,- деп мәлімдеді Саида Абдулло Нуридің немере інісі.

XS
SM
MD
LG