“Вагнер ХҲК “даги нашр манбаларинингайтишича, зарбадан сўнг 23 кишининг ҳалок бўлгани маълум бўлган, бир неча кун ўтиб эса 50 кишининг ҳалок бўлгани эълон қилинди. 70 киши жароҳат олди. Шу билан бирга, ҳалок бўлганларнинг умумий сони, Сурия жангчиларни қўшиб ҳисоблаганда, 100 кишига етиши истеъсно қилинмаяпти. Зарбалардлан кейин Пентагон вакили ҳам шунча рақамни тилга олган эди.
Сурияда АҚШ бошчилигидаги халқаро коалициянинг зарбасига россияли кёлланма аскарларнинг учрагани ҳақида Пентагондаги манбаларга таяниб Американиннг CBS телеканали хабар тарқатган эди. Таъкидланишича, ёлланма жангчилар Хишам қишлоғи атрофида бўлишган, улар нефтни қайта ишловчи заводни ўз назоратларига олишга уринишган эди, бу корхона “Сурия демократик кучлари” деб номланувчи араб-курд отрядлари томонидан назорат қилинади. Турли маълумотларга кўра, “Вагнер хусусий ҳарбий компания” жангчилари орасида талофатлар бир неча ўн кишидан юзлаб россияликларни ташкил қилади. Россия мудофаа вазирлиги россияликларнинг ҳалок бўлганини рад қилмоқда. Россия ТИВ Дейр-эз-Зор атрофидаги жангда 5 нафар Россия фуқароси ҳалок бўлган бўлиши мумкинлигини тан олди. Юзлаб фуқароларнинг ҳалок бўлишини "дезинформация" деб атади.
16 февраль куни журналистлар ва мустақил суриштирувчилар ижтимоий тармоқлардаги постлар орқали 9 нафар ҳалок бўлган жангчининг шахсини аниқлашга муваффақ бўлишди. Давлат Думасининг мудофаа бўйича қўмитаси раиси Владимир Шаманов Сурияда фақат беш нафар россиялик ёлланма жангчининг ҳалок бўлганини тасдиқлади.