Бу ҳақда журналистларга Қозоғистон ТИВнинг матбуот котиби Анвар Жайнақов хабар қилди.
19 февраль куни кечқурун Россиянинг ТАСС ахборот агентлиги Россия, Туркия ва Эрон ташқи ишлар вазирлари Сергей Лавров, Мавлуд Човуш ўғли ва Муҳаммад Жавод Зарифнинг учрашуви 16 март куни Остонада бўлиб ўтишини хабар қилди.
«Аввал хабар қилинганидек, бизга кафил давлатлар ташқи ишлар вазирларининг учрашувини ўтказиш ҳақида таклиф тушди. Бу учрашувни ўтказиш санасининг вариантларидан бири этиб, март ойининг ўртаси белгиланган эди. Биз барча иштирокчилардан ушбу учрашув ўтказилиши санасини тасдиқлашларини кутаяпмиз», — деб, Анвар Жайнақовнинг сўзларини келтиради маҳаллий ОАВ.
Остонадаги Сурия бўйича тинч музокараларнинг навбатдаги босқичи февралнинг 20 саналарига режалаштирилган, лекин кейинга қолдирилган эди. Аввалроқ Қозоғистон ташқи ишлар вазири Қайрат Абрахманов Сурия бўйича тинч музокараларнинг янги босқичи кафил мамлакатларташқи ишлар вазирларининг учрашувдан сўнг бўлишини билдирган эди.