Қирғизистон қонунлари бошқа давлат фуқаролари бўлган шахсларни депутат этиб сайланишини тақиқлайди. МСК раисининг ўринбосари Абдижапар Бекматовнинг таъкидлашича, номзод сифатида рўйхатга олиш жараёнида ҳужжат қабул қилинаётганида Қирғизистон фуқаролиги талаб қилинади. «Балки бизнинг давлат идораларимиз одамларнинг Қирғизистон фуқаролигидан ташқари бошқа мамлакатлар фуқаролиги эканликларини билишмас», - деди ва бошқа давлат фуқаролиги ошкор бўлганида бу депутатлик мандатидан маҳрум қилишнинг асосларидан бири эканлигини қўшимча қилди.
Бундан ташқари, бошқа мамлакат фуқаролиги эканлигини яширган давлат ходимларига нисбатан жиноий жавобгарликка тортиш кўзда тутилган.
Дамирбек Асилбек уулу парламентда 2009-2010 йилларда депутат бўлган. Шунингдек, у Жўқўрғу Кенешнинг VI чақириғида “Қирғизистон” фракциясида депутат этиб сайланган.
Ўтган ҳафта сўнггида Қозоғистоннинг айрим туманларида контрабанда фаолиятига барҳам бериш мақсадида кенг қамровли махсус амалиётлар ўтказилди. Бунинг натижасида 35 киши, жумладан ЖК депутати бошчилигида ҚРнинг уч нафар фуқароси ҳам ҳибсга олинди.
«Контрабанда товарлари Қозоғистонга тўғридан тўғри Хитойдан, шунингдек, Қирғизистон орқали божхона маъмуриятининг яширин схемаси ва қалбаки ҳужжатлар биланолиб келинган», - деди Қозоғистон бош прокуратураси расмий вакили Оксана Лоскутова.