Рӯзноманигор дар мавриди қарори додгоҳ гуфт, "додгоҳ ҳатто нахост, муайян кунад, ки мақола дар бораи кадоме аз бародарон Ҷеенбековҳост". "Дар мақола навишта нашудааст, ки президентро дар назар дорем. Ин қарори додгоҳ қобили қабул нест. Одамонеро, ки танҳо манбаи даромадашон маош аст, маҷбур мекунанд ҷаримаи ҳангуфт пардозанд! Додгоҳ ҳеч чизро ба эътибор нагирифт", - гуфт Карабеков.
Моҳи сентябри соли гузашта дар сомонаи хабарии "24.kg" мақолае бо номи "Ташриф ба Сочӣ. Ба Кремл дубора шарҳ медиҳем, ки номзади мо чӣ бартарӣ дорад" нашр шуд. Ситоди интихоботии Сооронбой Ҷеенбеков матлабро таҳқиркунанда дониста, ба додгоҳ шикоят бурд.
Даъвогар аз муаллиф ва хабаргузорӣ 5-миллион сомӣ талаб кард. Додгоҳи ноҳияи Свердловск даъворо қонеъ ва зинаҳои дигари додгоҳ аз қарори аввал ҳимоят карданд. 5 феврал Ҷеенбеков аз даъвои молӣ нисбати хабаргузорӣ даст кашид, аммо даъвояш нисбати муаллиф боқӣ монд.