Ин ҳодиса 21 феврал дар хиёбони Ленини Петербург рух дод. Ба гуфтаи шоҳидон, мусофири автобус баъд аз як баҳси лафзӣ ронандаи 49-соларо сахт латту кӯб ва аз ҷойи ҳодиса фирор кардааст. Ронандаро ба беморхона интиқол додаанд, вале субҳи 22 феврал ҷон дод.
Дар робита ба ҳодисаи мазкур бо банди "барқасдона расонидани зарари ҷисмонӣ, ки боиси марг шудааст" парванда боз гашта, гумонбарро ҷустуҷӯ доранд.