Жергиликтүү бийлик кабарлагандай, «Тажикстан», «Кухсори Хатлон», «Хуррамзамин» жана «Форсиён» арак чыгарууда алкоголдун курамын азайтып, ичимдик куюла турган идиштердин стандартын сакташкан эмес.
«Тажикстандарттын» Хатлон облусу боюнча өкүлү Шодимат Раджабов билдиргендей, ишканалар убактылуу жабылды. Алардын ичинен экөө айыппулдарды төлөгөндөн кийин гана иштерин жандантат.
«Кухсори Хатлон» ААКнын директору Раджабали Одинаев ишканасы 15 миң сомони (1,6 миң АКШ доллары) айыппулга жыгылганын тастыктады. Завод арак чыгаруу тартиптерин одоно бузганы үчүн эки жылга лицензиясынан ажыратылды.
