Супатаевнинг сўзларига қараганда, ўғлида Қозоғистон фуқаролиги бор эканлиги ҳақида қариндошлари билишмаган. «Ўғлимиз Қоракўлда вояга етди, 8-синфдан сўнг Бишкекдаги спорт мактабига кирди. У Қозоғистонда туғилгани ва миллати қозоқ эканлиги тўғрисидаги ахборот ёлғон», - деди ота.
Депутатнинг отаси унинг ўғлининг исми Динарбек Супатаев бўлгани, кейинроқ у ўз исми ва фамилиясини ўзгартирганини айтди.
15 ва 16 февраль кунлари контрабанданинг олдини олиш бўйича махсус операция пайтида Қозоғистонда 29 киши ушланган эди. Улар орасида, кейинроқ аниқланишича, 3 нафар Қирғизистон фуқароси, жумладан Жўқорғу Кенеш депутати Дамирбек Асилбек уулу ҳам бор бўлган.
Кейинроқ Қозоғистон ТИВ бу депутатнинг Қозоғистон фуқаролиги борлигини хабар қилди, ОАВ эса, ҚР ИИВга ҳавол қилган ҳолда, депутатнинг миллати қозоқ эканлигини ёзиб чиқди.