Ссылки доступа

Эронда ҳижобларга қарши норозиликдан сўнг ўнлаб аёлларга қамоқ муддати таҳдид солмоқда


Amnesty International (AI) халқаро ҳуқуқ ҳимояси ташкилоти Эронда бошни мажбурий равишда ўраб юришга қарши норозилик билдирган ўнлаб аёлларга қамоқ муддатлари таҳдид солаётганини баён қилди. Аввалроқ Эрон ҳукумати бошни ёпиб юришга қарши чиққан ва рўмолларини ечиб ташлаган аёлларни ушлаган эди.

23 февраль куни қилинган расмий баёнотда Эрон полицияси қонунга қарши чиққан аёлларга нисбатан “коррупцияга ва фоҳишаликка ундаш”да айб қўйлишидан огоҳлантирганди, бу 10 йилгача қамоққа олиш жазосини назарда тутади.

Лондонда жойлашган ҳуқуқни ҳимоя қилиш ташкилоти 26 февраль куни эълон қилинган баёнотида ушбу қарор ўнлаб аёлларни бевосита ноқонуний қамоққа тушиш хавф остга қўйишини ва “ҳукумат аёллар ҳуқуқига нисбатан тазйиқ чораларини кучайтираётгани хавотирини уйғотаётгани”ни таъкидламоқда. Amnesty Internationa декабрдан бошлаб, фақат Эрон пойтахти Теҳронда ҳали ҳам давом этаётган тинч намойишларнинг қатнашчиси деб тахмин қилинаётган 35 нафардан ортиқ хотин-қизлар “қаттиқ ҳужумга дуч келгани ва қўлга олингани” ни баён қилди.

«Эрон ҳукуматининг ушбу қадами ҳукумат бошни ўраб юриш мажбурийлигига қарши чиқишга жазм қилган хотин-қизларни таъқиб қилишида тескари йўналишдаги ҳаракатдир. Бу кўплаб аёлларни жиддийва бевосита адолатсиз қамоққа олиш хавфи остига қўяди ва бошқаларга уларнинг ҳуқуқлари бузилаётганда жим туришига сигнал бўлиб хизмат қилади», — деди Amnesty International нинг Яқин Шарқ ва Шимолий Африка департаменти директори ўринбосари Магдалена Муграби.

Ўтган ҳафтада Теҳронда ҳижобда юришга қарши чиққан яна икки аёл қўлга олинди.

Аёлларнинг кийиниб юриши тури Эронда 1979 йилги инқилобдан сўнг, мамлакатда ислом дресс-кодига амал қилиш мажбурий бўлганидан кейин жиддий эътибор остига олинган. Бу дресс-код кўрсатмаларига кўра, аёллар жамоат жойларида бошини ёпиб юриши ва танани тўла ёпиб турувчи кийим кийишлари шарт.

XS
SM
MD
LG