Тожикистон ИИВ маълумотларига қараганда, Хатлон вилоятининг Ҳамодоний туманида туғилган, айни дамда Гулистон шаҳрида истиқомат қилувчи 40 ёшли Мирзо Алимов 24 февраль куни прокуратурада сўроқ вақтида эҳтиёжини қондириш учун рухсат берилишини сўраб, ташқарига чиққан ва қочиб кетган эди.
Шундан сўнг “Қўлга олиш” операцияси эълон қилинди. Қочоқ 25 февраль куни Хўжанддаги “Пайшанба” бозори ҳудудида маршрут таксида қўлга олинди. Айни дамда эркак ҳибсда ушлаб турилибди.
Сўғд вилояти ҳуқуқ тартибот идоралари ходимларининг айтишича, вояга етмаган қизини номусига тегишда гумон қилинаётган эркакка нисбатан қиз суд тиббиёт экспертизасидан ўтказилганидан сўнг айблов қўйилади. Манбанинг айтишича, бу факт қиз ҳомиладор бўлиб қолганидан кейин онаси уни шифохонага олиб келганидан сўнг фош бўлди.
Ҳуқуқ тартибот идоралари ходимларининг сўзларига қараганда, барча тафсилотлар тергов ишлари олиб борилганидан сўнг маълум қилинади. Отанинг айби исботланса, у узоқ муддатга қамоқ жазосига ҳукм қилиниши аниқ.