Тергеу ісіне жақын дереккөздің мәліметіне қарағанда, Тоймуроз Алимовқа қатысты "Қасақана кісі өлтірді", "Қызметін асыра пайдаланды", "Кінәсіздерді жауапқа тартты" деген айыптар тағылған. Ол әскери прокуратураның сұрауы бойынша ұсталған екен.
Өзбекстандағы Тәуелсіз құқық қорғаушылар бастамашыл тобының жетекшісі Сурат Икрамов Тоймуроз Алимов түрмелерге кураторлық жасап, тұтқындарға жүйелі түрде зорлық-зомбылық көрсетіп келген деген ақпаратты жиі естігенін айтады.
Икрамовтың айтуынша, Алимов "құпия сақталуы керек оқиғалардың куәсі болған азаматтардың көзін құрту" ісінің фигуранттарының бірі болуы мүмкін.