Умумий ҳисобда Украинага 210 та жанговор комплектлар етказиб берилиши мумкин. Америка мудофаа идорасининг маълум қилишича, "Javelin тизимлари суверенитетива ҳудудий яхлитлигини ҳимоя қилишда Украинага ёрдам беради". АҚШнинг фикрича, Javelinнинг сотилиши минтақадаги ҳарбий мувозанатга таъсир кўрсатмайди.
2017 йил декабрида АҚШ президенти Дональд Трамп маъмурияти Украина армиясига учувчи мудофаа қуролларини етказиб беришни маъқуллаган эди. Жумладан, снайпер милтиқларини етказиб беришга рухсат берилди. Ўшанда Трамп Киевга Javelin комплексларини етказиб беришни қўллаб-қувватлаши мумкинлиги ҳақида хабалар пайдо бўлган эди.
Барак Обаманинг маъмурияти Россия билан можароларда Украинани қўллаб-қувватлади ва Қрим аннексия қилингани ҳамда Донбасдаги ҳарбий ҳаракатлар учун Москвага нисбатан санкциялар қўллади, бироқ Киевга ракетага қарши мудофаа қуролларини етказиб беришдан тийилиб турган эди.
Россия президенти Владимир Путин баёнот бериб, Украинага қурол етказиб бериш "Донбассдаги вазиятни ўзгартирмаслигини", бироқ Россия томонидан қўллаб-қувватланадиган айирмачиларга “можароларнинг бошқа ҳудудларидан” қуроллар етказиб берилиши эҳтимоли ҳақида айтган эди. Бу билан Путин нимани назарда тутганини изоҳламади.