Ссылки доступа

Қозоғистондаги ёнғинда ҳалок бўлганлар сони етти кишигача кўпайди


Қозоғистоннинг Атирау вилоятида 2 март куни Қорабўтан вахта посёлкасидаги ёнғин пайтида жабрланган яна бир киши вафот этди.

Маҳаллий ОАВ Атирау вилоят касалхонаси директори Саин Шумировнинг сўзларига ҳавола қилган ҳолда, жабрланувчи “тирик қолишнинг иложи бўлмаган” куйишлардан 3 март куни вафот этганини хабар қилмоқда.

Қорабўтан вахта посёлкасида 2 март куни ёнғин содир бўлган эди. Воқеа жойида камида олти киши ҳалок бўлди, яна тўрт киши жароҳатланди. Ёниб кетиш тахминан маҳаллий вақт билан соат 8 дан 41 дақиқа ўтганда, “Қорабўтан газ турбинали электр станциясининг қурилиш объектида», вахта шаҳарчаси ҳудудида жойлашган“контейнер типидаги умумий ётоқхонада” келиб чиқди. Ушбу объект Атирау шаҳридан бир неча ўн километр узоқликда жойлашган.

Ёнғин пайтида ётоқхонада 20 нафарга яқин тунги смена ишчилари бор эди, деб хабар берди ФВ қўмитаси. Дастлабки ахборотга қараганда, ёнғин электр симларининг туташиб қолиши натижасида келиб чиққан.

XS
SM
MD
LG