Ссылки доступа

Словакияда журналистнинг ўлдирилиши ҳукумат инқирозини келтириб чиқарди


Словакия президенти Андрей Киска журналист Ян Куциакнинг ўлдирилиши муносабати билан сиёсий инқироз юзага келиши таҳдиди сабабли ҳукумат таркибида ўзгаришлар амалга оширилиши ёки муддатдан илгари парламент сайловлари ўтказилишини талаб қилди.

У ўзгаришлар борасида жамоатчиликка телевидение орқали берган баёнотида маълум қилди.

Президент Словакия ҳукуматини "такаббурлик"да айблади. Унинг сўзларига қараганда, атайлаб бир ҳафта фуқаролар ишончини тиклаш мақсадида ҳукумат қандай сиёсий қарор қабул қилишини ва қандай чоралар кўришини кутганини таъкидлади. Президентнинг айтишича, ҳамон бирор бир таклифни эшитмаган. "Айримлар истеъфога чиқиш борасида ариза берди, бироқ мамлакатни мазкур ишончсизлик инқирозидан олиб чиқиш учун бирорта ҳам режани кўрмаяпман", дея таъкидлади словак президенти.

Журналист Ян Куциак 25 февраль куни шаҳар чекасидаги - Братиславадан 65 километр узоқликдаги уйида маъшуқаси Мартина Кушнирова билан бирга ўлдирилган эди. Қотилликдан бир неча кун ўтиб Словакия маданият вазири Марек Мадарич истеъфога чиқди. "Мен вазир сифатида, ваколат муддатим вақтида журналист ўлдирилганлигини қабул қила олмайман", – дея баёнот берди Мадарич.

Жиноят билан боғлиқ вазият аниқ аниқ эмас, бироқ қотиллик Ян Куциак шуғулланаётган суриштирув ишларига боғлиқ экани айтилмоқда, дейишмоқда ўлдирилган журналистнинг ҳамкасблари. Журналист Италия мафиясининг Словакия ҳукуматига таъсирини ўрганаётган эди. Жумладан, у бош вазир Роберта Фицога яқин кишиларни мафия гуруҳлари билан алоқаси бўлган Италия тадбиркорлари билан ҳамкорлик қилаётганликда айблаб чиққан эди.

XS
SM
MD
LG