Унинг таъкидлашича, айни дамда Россия президентининг фармонига биноан амалдорлар учун махсус ташкил этилган интернет тармоғининг Россия сегменти фаолият юритмоқда.
Клименконинг қайд қилишича, бутун дунё интернетни мувофиқлаштириш йўлидан бормоқда ва "Россия ҳам бундан мустасно эмас". Бироқ, Путиннинг маслаҳатчиси Россия “Шимолий Корея ёки Кубанинг фавқулотда вариантлари”дан фойдаланмаслигини таъкидлаб ўтди.
Рунет инфратузилмаси устидан давлат назоратини кўзда тутувчи “Алоқа тўғрисида”ги қонунга ўзгартиш киритиш борасида президент Владимир Путин топшириқ берган эди. Ўтган йилнинг октябрь ойида Молия вазирлиги ташқи таъсир доирасида Рунет инфратузилмаси хавфсизлигини яхшилашга қаратилган қонун лойиҳасига салбий жавоб берди. Бунга уни ҳаётга татбиқ этиш борасида сарфланадиган маблағларнинг йўқлиги сабаб бўлди.
Владимир Путин фармойишига биноан Россияда ишлаб чиқилган “Рақамлииқтисод” дастури лойиҳасига кўра, 2024 йилга бориб барча трафикларнинг 95 фоизи Россия тармоғи орқали ўтиши керак. Давлат идораларида хорижий жиҳозларнинг улуши 50 фоизгача, дастурий таъминот эса 10 фоизгача қисқартирилиши режалаштирилган. Бундан ташқари 2018 йилда Рунетнинг “хавфсизлиги ва барқарорлигини” таъминловчи тизим ишга туширилиши лозим.