Ссылки доступа

Душанбедаги боғ энди ўзбек шоири Алишер Навоий номида бўлади


Душанбедаги “Ёшларнинг 50 йиллиги” боғи машҳур ўзбек шоири ва мутафаккири Алишер Навоий номида бўлади. Мамлакат президентининг матбуот хизмати таъкидлашича, янги парк Тожикистон ва Ўзбекистон халқлари дўстлигининг рамзига айланади.

ТР ҳукуматининг 5 март куни имзоланган тегишли фармойишига мувофиқ, пойтахт мэрига Душанбе халқ депутатларининг мажлисига Беҳзод кўчасида жойлашган “Ёшларнинг 50 йиллиги” паркини Алишер Навоий боғи деб қайта номлаш тўғрисида тақдимнома киритиш топшириғи берилган, Янги боғда Алишер Навоий ва унинг дўсти, тожик ёзувчиси Абдураҳмон Жомийнинг ҳайкалларини ўрнатиш ҳам топширилган.

Айни пайтда, 6 март куни эрталаб, бир гуруҳ ўзбек тадбиркорлари «Made in Uzbekistan» саноат маҳсулотларининг савдо кўргазмасида иштирок этиш учун Душанбега келди. Кўргазма Ўзбекистон президенти Шавкат Мирзиёевнинг 9 мартга режалаштирилган давлат ташрифи доирасида бўлиб ўтади.

Ўзбек тадбиркори ва «Мараканд фуд продукт» компаниясининг вакили Фаррух Маҳмадқулов кўргазмада Ўзбекистон саноат компанияларининг 400 нафар вакиллари иштирок этишини айтди.

XS
SM
MD
LG