Ссылки доступа

Туркманистон жанубида ун тақчиллиги туфайли низолар юзага келмоқда


Маридаги “Озодлик” манбаларининг хабар қилишларича, шу ҳафтада вилоятдаги туманлардан бирида ун тақчиллиги оқибатида можаролар юзага келди. Шундан ҳолатлардан бирида аёллар кўчага чиқиб автомобил йўлини эгаллаб олишди, иккинчи ҳолатда эса намойишчилар қишлоқ озиқ-овқат дўконига бостириб киришди.

“Озодлик” манбасининг тасдиқлашича, йўлларни беркитиш билан боғлиқ намойишда фақат аёллар иштирок этди, эркаклар намойиш яқинига ҳам келишмади. Манбанинг хабар беришича, намойиш оқибатида аёлларнинг унни ҳаммага тенг бўлиб бериш керак, деган талаби тўлалигича қаноатлантирилди.

Манбаларнинг айтишича, бундан ташқари ўша куни айни шунга ўхшаш яна бир ҳодиса юз берди. «Қишлоқ дўконида ун учун навбатда турган одамларга: “Айни дамда олиб келинган ун тугади, сизларга ун етмади, келиши билан тарқатамиз”, дейишган. Бу сўзга ишонмаган маҳаллий аҳоли қишлоқ кенгаши раисини калтаклашган, сўнг дўконга босириб киришган, у ердан ун заҳираларини топишган. Заҳирадаги унни ҳар бир кишига бир қопдан тақсимлашди», - дейди манба.

Тарқатилган хабарларга кўра, олиб келинган ун тўлалигича аҳолига сотилмаяпти, маълум қисми сақлаб қўйилади. Манбанинг қўшимча қилишича, дўкон сотувчиси қишлоқ кенгаши раиси билан биргаликда тил бириктириб унни давлат томонидан белгилаб қўйилган нархдан қимматга сотишган.

Давка в очереди за отрубями в Дашогузе
пожалуйста, подождите

No media source currently available

0:00 0:00:48 0:00

Туркманистон аҳолиси декабрь ойи бошларида ун тақчиллиги ва озиқ-овқат маҳсулотларининг нархи ошиши билан боғлиқ муаммога дуч келди.

XS
SM
MD
LG