Азатлык дереккөзінің мәліметіне қарағанда, наразылыққа шыққан әйелдер жолды жауып тастаған. Наразылыққа бірде-бір ер азамат қатыспаған. Наразы әйелдер ұнды теңдей бөліп беруін талап етіп, сол талаптарына жеткен.
Бұған қоса, дәл осы күні ұн тапшылығына қатысты тағы бір жанжал болған. "Ауыл дүкенінде кезекте тұрған адамдарға ұн таусылып қалғанын хабарлаған. Бұған сенбеген тұрғындар ауыл кеңесінің басшысын соққыға жығып, дүкенге басып кірген. Дүкенде ұн қоры бар болып шықты. Халық адам басына бір қап ұннан бөліп алды", - деп хабарлады дереккөз.
Тағы бір мәлімет бойынша, дүкен қожайыны ұнды мемлекет белгілеген бағадан қымбатқа жасырын түрде сатқан.
Түркіменстанда өткен жылдың желтоқсан айында ұн тапшылығы байқалып, азық-түлік қымбаттап кеткен.