Ссылки доступа

ҚР президенти ўзининг ишига қариндошларини аралаштирмасликка ваъда берди


Қирғизистон президенти Сооронбай Жээнбеков 6 март куни ОАВ раҳбарлари билан учрашар экан, ўз қариндошлари давлат раҳбари ишига аралашмаслигини маълум қилди.

Унинг сўзларига қараганда, кўпчилик президент давлат амалларига ўз қариндошларини тайинлашидан ташвишга тушаётган экан. Президентнинг айтишича, кўпчилик укаси Асилбек Жээнбеков ҳақида гапирмоқда, бироқ у қандайдир масалаларни ўз ҳолича ҳал қилинишига йўл қўймаслигини билдирди.

«У ўз ишининг устаси. Мен Акаев ва Бакиевларнинг тақдири қандай кечганини биламан. Мен олти йилдан кейин одамлар билан бошимни баланд кўтарган ҳолда учрашишни истайман», - деди президент.

Асилбек Жээнбеков парламент спикери эди, бироқ Сооронбай Жээнбеков бош вазирликка ўз номзодини қўйганида, ўз лавозимини топширишга қарор қилди. Кўп ўтмай ҚСДП Сооронбай Жээнбеков номзодин ипрезидентликка кўрсатди. Айни дамда Асилбек Жээнбеков - парламент депутати.

XS
SM
MD
LG