Ссылки доступа

Путин Сочида ўйинлар очиладиган куни авиалайнерни уриб туширишга буйруқ берган


Россия президенти Владимир Путин 2014 йилда, илк маълумотларга кўра, бортида “бомба бўлган” йўловчи самолётини уриб туширишга буйруқ берган. Reuters агентлиги якшанба куни Россия ижтимоий тармоқларига жойлаштирилган “Путин” деб номланган ҳужжатли фильмидаги лавҳалар ҳақида батафсил маълумот берди.

Фильмда президент Путин журналист Андрей Кондрашовга, Сочида Олимпиада ўйинлари очилиши арафасида, 2014 йилнинг 7 февраль куни хавфсизлик хизмати зобити қўнғироқ қилгани борасида айтиб берди. Президентга Харьковдан Истанбулга парвоз қилаётган самолёт эгаллаб олингани тўғрисида маълумот берилган. Самолётни эгаллаб олганлар лайнерни Сочига қўндиришни талаб қилишган. Туркиянинг Pegasus авиакомпаниясига тегишли Boeing 737-800 самолётининг учувчилари йўловчилардан бирида бомба борлиги ҳақида айтишган. Самолётда 110 нафар йўловчи бор эди, бу вақтда стадионда Олимпиада ўйинларини очилиш маросимига 40 мингдан ортиқ киши тўпланган эди. Путин фильмда журналистга хавфсизлик бўйича мутахассислардан маслаҳат сўраганини эслатиб ўтди. Унга бу каби фавқулотда вазиятларда самолётга зарба бериш тақозо этилиши борасида жавоб беришган. Президент: "Режа бўйича ҳаракат қилинг", деган.

Бу телефон мулоқотидан сўнг Путин Халқаро Олимпия қўмитаси вакиллари ҳамроҳлигида Олимпия стадионига келган. Орадан бир неча дақиқа ўтиб яна телефон қўнғироғи бўлган. Қўнғироқ қилган шахс унга, аслида ёлғон маълумот тарқалгани, таҳдид солган йўловчи маст бўлганини, шу сабабли самолёт Истанбул томон парвозини давом этирганини айтган.

Кремль вакили Дмитрий Песков, 11 март якшанба куни, қайд қилинган ҳодиса ҳақиқатан ҳам бўлганини тасдиқлади.

Келаётган якшанба, 18 март куни,Россияда президентлик сайлови бўлиб ўтади. Reuters агентлигининг таъкидлашича, 14 июнда футбол бўйича Жаҳон чемпионати ўтказилиши муносабати билан Россияда хавфсизлик чоралари кучайтирилган.

XS
SM
MD
LG