Унинг ўрнини эса Жина Хаспел эгаллайди – у Марказий разведка бошқармаси раҳбари лавозимидаги биринчи аёл киши ҳисобланади.
"МРБ директори Майк Помпео бизнинг янги давлат котибимиз бўлади,у ақл бовар қилмас ишларни амалга оширади! Рекс Тиллерсонга унинг хизматлари учун раҳмат! Жина Хаспел МРБнинг янги директори ва бу лавозимдаги биринчи аёл киши бўлади. Ҳаммани табриклаймиз!" – деб ёзди Трамп Твиттерда.
Ўтган ҳафтада Тиллерсон Африка мамлакатлари бўйлаб сафарини муддатидан олдин тўхтатди ва сабабларини изоҳламай, кечиктириб бўлмайдиган ишлар борлигини айтиб, Вашингтонга қайтган эди.
Америка матбуоти бир неча марта ёзганидек, Тиллерсоннинг президент Трамп билан муносабатлари ёмонлашганди. Экспертлар ва АҚШ оммавий ахборот воситалари ҳадемай Тиллерсон матбуот котиби лавозимидан истеъфога чиқишини бир неча марта башорат қилишганди. У бу лавозимни 2017 йил 1 февралда эгаллаган эди. Америкалик журналистларнинг маълумотларига қараганда, Тиллерсон Америка дипломатияси раҳбари лавозимини тарк этишни истмаганди.
CNN каналининг ахборотига қараганда, Тиллерсон ўзининг истеъфоси ҳақида Трампнинг Твиттердаги хабаридан билиб олган.