Бундестагдаги овоз бериш давомида Меркелнинг номзодини фақат 364 киши ёқлади, 315 нафар парламент аъзоси эса унга қарши овоз берди. Яна тўққиз депутат бетараф қолди.
ГФР президенти Франк-Вальтер Штайнмайер Меркелни канцлер этиб тайинлаш тўғрисида расман эълон қиладиган тадбир ҳам 14 март, чоршанба куни бўлиб ўтади. Шундан сўнг канцлер Бундестагга қайтади ва қасамёдга келтирилади.
2017 йил сентябрда Меркелнинг консерватив блокиГерманиядаги сайловларда расман ғалаба қилган эди. Лекин партия кўрсатган натижа партия тарихидаги иккинчи энг ёмон натижа бўлди –у Бундестагда фақат 34,70% ўрин ола билди.
Ярим йилдан ортиқроқ вақт давомида Меркел коалиция тузиш ҳақида музокаралар олиб борди. Аввалига – Озод демкоратик партиядаги (FDP) либераллар билан, лекин улар коалицион ҳукумат учун Меркел билан “умумий ғоя топа олмаётганларини” айтиб, музокараларни ноябрда тўхтатиб қўйшди. Шундан сўнг Меркель қўллаб-қувватлашларини сўраб, Мартин Шульц бошчилигидаги Германия Социал-демократик партиясига мурожаат қилди. Январь ойида бу партия билан янги кабинет тузиш тўғрисидаги келишувга эришилди.
