Марапатты АҚШ үкіметі тағайындаған. Сыйлықты тапсыру 21 наурызда Вашингтонда өтуі керек еді. Бірақ АҚШ-та ауа райының күрт суытуына байланысты рәсім 23 наурызға ауыстырылды.
Сыйлықты АҚШ-тың мемлекеттік хатшысының орынбасары Джон Салливан мен АҚШ-тың бірінші ханымы Меланья Трамп табыстайды.
Айман Омарова Қазақстанның Жамбыл облысында туған. Ол әйел және бала зорлау, түрмеде қысым жасау істері бойынша көптеген істе қорғаушы болған. Қазақстандағы #НеМолчи.KZ қозғалысын құрған.
"Халықаралық батыл әйелдер" сыйлығы осымен 12-рет табысталмақ. Омаровадан бөлек бұл сыйлықты биыл Мавритания, Руанда, Косово, Таиланд, Ирак, Ауғанстан, Гондурас, Италия елінің әйелдері алады.