Ссылки доступа

"Уральские авиалинии"нинг Хўжанддан Россияга учта парвози бекор қилинди


«Уральские авиалинии»нинг авиакомпаниясининг Хўжанддан Екатеринбург ва Москвага парвоз қилишни (28 март куни) режалаштирилган самолётларига чипта харид қилган йўловчилар белгиланган манзилларига учиб кета олмади.

Мазкур авиакомпаниянинг Хўжанд– Челябинск йўналишидаги самолёт парвозлари ҳам бекор қилинади.

Россиянинг «Уральские авиалинии» авиакомпаниясининг Хўжанддаги ваколатхонаси ходими 29 март куни, ўтган тунда Россия шаҳарларидан Хўжандга учта самолёт келиши кутилгани, самолётлар келиши билан йўловчиларни олиб ортга қайтиши белгилангани, бироқ рейслар «Уральские авиалинии» парвозлари масаласи ҳал қилинмагани боис бекор қилинганини айтди.

Авиакомпания вакилининг маълум қилишича, мазкур масала Тожикистон ва Россия авиарасмийлари ўртасида апрель ойи бошларида ҳал қилиниши мумкин.

Хўжанд халқаро аэропорти ходимларининг маълумотига кўра, «Уральские авиалинии» авиакомпанияси парвозлари билан боғлиқ муаммолар 25 март куни бошланди – самолётлар кечикиш билан парвоз қилди ёки бутунлай бекор қилинди. 12 март куни Тожикистон томони Россия авиарасмийларини тенглик бузилаётганида айблаб «Уральские авиалинии»га Пермь – Душанбе йўналиши бўйича парвозларини бекор қилди.

XS
SM
MD
LG