АҚШ президенти ва Россия президенти учрашув ўтказиш мумкин бўлган жой, жумладан Оқ уйни ҳам муҳокама қилишгани таъкидланмоқда. Сандерс Америка ва Россия етакчилари учрашадиган эҳтимол тутилган санани кўрсатиб ўтмади ва бундай учрашув “яқин келажакда” бўлиб ўтиши мумкинлигига аниқлик киритди, холос.
Трамп Путинга учрашишни таклиф қилгани ҳақида авалроқ Россия президентининг маслаҳатчиси Юрий Ушаков хабар берганди. У “Скрипаль иши” ва ўзаро дипломатларни чиқариб юбориш туфайли президентларнинг учрашуви борасидаги музокаралар қийинлашганини таъкидлади..
Трамп ва Путиннинг телефондаги сўзлашуви Америка томонининг ташаббусига кўра бўлиб ўтди. Ўшанда АҚШ президенти Путинни президент сайловидаги ғалабаси билан табриклади. The Washington Post маълумотларига қараганда, Оқ уй Трампга бундай қилмасликни тавсия этган ва суҳбатни "Скрипал иши"ни муҳокама қилишдан бошлашни маслаҳат берган. Ўшанда АҚШ президенти твиттерда Россия билан яхши муносабатда бўлиш “ёмон эмас, яхши” эканлигини ёзганди .
26 март куни Вашингтон Буюк Британияда МРБ собиқ офицери Сергей Сергей Скрипаль ва унинг қизи Юлиянинг заҳарланишига жавобан 60 нафар россиялик дипломатни чиқариб юбориш ва Сиэтлдаги консулликни ёпиб қўйшга қарор қилди. Бунга жавоб тариқасида Москва 60 нафар Америка дипломатини чиқариб юборди ва Санкт-Петербургдаги консулликни ёпиб қўйди.