Ссылки доступа

Қирғизистонлик чегарачилар Ўзбекистон ҳудудидаги ёнғинни ўчиришга ёрдам беришди


Қирғизистон чегарачилари Қирғизистоннинг Жалолобод вилояти, Олабуқа туманидаги Тенги деган жойнинг рўпарасида жойлашган уйи ёниб кетган Ўзбекистон фуқаросига ёнғинни ўчиришга ёрдам беришди. Бу ҳақда ДЁХХнинг жамоатчилик ва ОАВ билан алоқалар бўлими хабар бермоқда.

Унинг маълумотларига қараганда, Ўзбекистон ҳудудида, қирғиз-ўзбек чегараси яқинидаги Ўзбекистон фуқаросининг уйида газ баллони портлаб кетган, олов бир зумда бутун уйга тарқалган. «Ёнғинни Олабуқа чегара отряди “Кўксерак” чегара заставасининг ҳарбий хизматчилари пайқаб қолди ва дарҳол Қирғизистон ҳудудидан чегара чизиғигача оқиб ўтадиган каналдан сув етказиб беришни ташкил қилишди. Шундай қилиб, Қирғизистон чегарачиларининг ҳаракатлари туфайли ёнғин бутунлай ўчирилишига эришилди», – дейилади хабарда.

«Биз Ўзбекистон ҳудудида бир уй ёнаётганини кўдик, лекин бу ердан чегара чизиғи ўтганлиги боис, биз сувни чегарага олиб бориб беришни ташкил қилдик», – деб Олабуқа чегара қўшини “Кўксерак” чегара заставаси бошлиғи, катта лейтенант Адилат Исраил уулунинг сўзларини иқтибос келтиради ДЁХХ.

XS
SM
MD
LG