Дар ин бора як афсари Нирӯҳои марзбонии Хадамоти амнияти давлатии Ӯзбекистон хабар дод.
Як манбаи наздик ба раҳбарияти бонки "Orient Finans Bank" 2 апрел гуфт, марзбонони Ӯзбекистон 30 март ба мудири ин бонк Бобур Парпиев иҷозат надодаанд, ки тавассути фурудгоҳи Тошканд ин кишварро тарк кунад. Дар ҳоли ҳозир, ӯ фаъолияти худро идома медиҳад ва зиддаш ҳеч гуна чораи дигаре андешида нашудааст.
Як масъули Вазорати корҳои дохилии Ӯзбекистон 2 апрел гуфт, номи раҳбари ширкати содиркунандаи меваи хушк - Uzgardens Шариф Иноятов низ ба рӯйхати шахсоне ворид шудааст, ки наметавонанд кишварро тарк кунанд.
Ба гуфтаи як манбаи наздик ба Додситонии кулли Ӯбекистон, мақомот дар пайи фирори писари додситони кулли пешин Алишер Қодиров ва кӯшиши гурехтани писари муовини аввали додситони Тошканд Абдурашид Мирзоев аз ватан даст ба ин иқдом задаанд, то аз фирори "шоҳидон"-и парвандаҳои ҷиноии "бузург" пешгирӣ кунанд.
Дар Додситонии кулли Ӯзбекистон гуфтанд, ки аз ворид шудани номҳои Иноятов ва Парпиев ба рӯйхати мазкур хабар надоранд.