Озодлик радиоси 30 март куни бир-биридан мустақил манбаларга таянган ҳолда Шавкат Мирзиëев янги қурилган "Зарбдор текстил” ширкатига борганида Зарбдордаги Қишлоқ хўжалик ва Иқтисодиëт коллежи қизлари иш билан таъминланган ëшлар ролини ўйнаб бергани, президентга бу қизлар янги ишга кирган тикувчилар сифатида таништирилгани тўғрисида хабар берган эди.
Манбалар бу ҳодисани “президент учун уюштирилган шоу” деб аташди. Негаки “Зарбдор текстил” ҳали ишга туширилмаган корхона бўлган.
Комил Алламжонов бу воқеани шарҳлар экан: " Бундан бизнинг хабаримиз бор. Агар аҳамият берган бўлсангиз, бу тикув цехи 10 ой мобайнида йўқ жойдан барпо этилган цех. Ҳозирда бу цех 100 фоиз қувватда ўз ишини бошлагани йўқ. 100 фоиз қувватда ишга туширилишни таъминлаш жараёнида цех раҳбарлари ушбу цех атрофидаги маҳалладаги вақтинча ишсиз бўлган аёллар, ушбу корхонага яқин бўлган коллежлардан ихтиёрий равишда талабгор қизларни иш ўргатиш ва келажакда коллежни битирганларидан кейин ишчи сифатида қабул қилиниши режалаштирилиб, ҳозир фақатгина тайёргарлик жараёни кетаяпти", - деб айтди.
Жорий йил январь ойининг охирида республиканинг Қашқадарё вилоятида маҳаллий ҳукумат шошилинч равишда Шавкат Мирзиёев ушбу вилоятга ўз ташрифи давомида бориши мумкин бўлган туманларни ободонлаштириш бўйича ишлар қилаётгани хабар қилинган эди.
Шу билан бир қаторда у минтақаларга президент ташрифи олдидан йўллар косметик таъмирланиши ҳақидаги масала бўйича хабардор эканлигини баён қилди. "Президент бу йўлларни қуриш ва фойдаланишга топшириш ҳақида топшириқ бермаган. Энг узоқ туманларга бораётганида бу йўллар таъмирланади ва энг нотекис ҳудудлари асфальт қилинади. Биз сиздан бу чораларни вақтинчалик деб қабул қилишингизни сўраймиз. Агар президентнинг ташрифи вақтида у буларни кўришни истаса, бу жадвалда режалаштирилади ва албатта, бу йўллар талаблар ва стандартларга мувофиқ таъмирланади", – деди Комил Алламжонов.