«Бизга бир ярим ойда бир марта учрашишга рухсат беришади. Сўнги бор унинг олдига борганимда соғлиғи яхши эмас эди. Саломатлиги ҳозир ҳам ўзгармаган», -дейди Текебаева.
3 апрель куни бир гуруҳ сиёсатчи ва жамоатчилик вакиллари президент Сооронбай Жээнбеков, спикер Дастан Жумабеков ва бош вазир Сапар Исақов номига мурожатнома йўллаб «Ата Мекен» партиясининг етакчиси Омурбек Текебаев олдига зудлик билан малакали шифокорларни юбориб, уни ҳар томонлама тиббий текширувдан ўтказишни ва қамоқхонадан ташқарида зарур даволаш амалиётини ўтказишни сўрашган эди.
«Ата Мекен» партияси котибияти томонидан тарқатилган мурожаатда тиббий хизмат масаласида 47-сонли аҳлоқ тушатиш колонияси раҳбарияти томонидан яратилган шароитлар касалликнинг кучайишига сабаб бўлиши мумкинлиги айтилади.
«Ата Мекен» партияси етакчиси Омурбек Текебаев ва ҚРнинг Жанубий Кореядаги собиқ элчиси Дуйшеныул Чотонов 2017 йилнинг февралида 2010-йили “Мегаком” компанияси акцияларини сотиб олишда берган ёрдами учун РФ фуқароси Леонид Маевскийдан 1 млн доллар пора олган деган гумон билан ушланган эди. ҚР Олий суди 21 ноябрь куни туман ва шаҳар судларининг икки сиёсатчига нисбатан мол-мулклари мусодара этилиши билан қаттиқ режимдаги 8 йиллик колонияга ҳукм қилинишлари борасидаги чиқарган қарорини кучда қолдирди.
Октябрь ойи ўрталарида Омурбек Текебаев Бишкекдаги 47-сонли колонияга, Дуйшенқул Чотонов эса Молдовановка қишлоғидаги 27-сонли колонияга этап қилинди.