«Бізге бір жарым айда бір мәрте ғана кездесуге рұқсат береді. Соңғы рет барғанда оның жағдайы мәз емес еді. Қазір де оңалып кеткен жоқ», - деді Текебаева.
3 сәуірде саясаткерлер мен қоғам қайраткерлері мемлекет басшысы Сооронбай Жээнбековке, спикер Дастан Жұмабековке және премьер-министр Сапар Исаковқа хат жазып, Текебаевтың білікті дәрігерлерден түрмеден тыс жерде ем қабылдауына жағдай жасауын талап етті.
Белсенділер №47 түзеу мекемесінде сапалы медициналық қызмет көрсетілмегендіктен, саясаткердің денсаулығы нашарлады деп есептейді.
«Ата Мекен» партиясының жетекшісі Өмірбек Текебаев пен Қырғызстанның Оңтүстік Кореядағы бұрынғы елшісі Дуйшенкул Чотонов 2017 жылы қаңтарда ұсталды. Олар 1 млн доллар пара алған деп айыпталды. Жоғарғы сот өткен жылы 21 қарашада аудандық және қалалық сот шешімдерін күшінде қалдырды. Сот саясаткерлерді сегіз жылға соттаған.
Былтыр қараша айында Текебаев Бішкектегі №47 колонияға отырса, Чотонов Молдовановка ауылындағы №27 колонияға жөнелтілген.