Ссылки доступа

Пентагон: АҚШнинг Сурияда ИДга қарши кураши ўзгармайди


Қўшма Штатларнинг Сурияда “Ислом Давлати” террорчилик гуруҳига қарши ҳарбий сиёсати ўзгармай қолади. Бу ҳақда АҚШ Қуролли Кучлари Штаб Бошлиқлари Қўмитаси вакили генерал-лейтенант Кеннет Маккензи маълум қилди.

Ҳарбий бошлиқнинг таъкидлашича, президент Дональд Трамп Америка ҳарбийларининг “исломчи”ларга қарши курашиши учун Сурияда қолишини узайтиришга рози бўлди. Бундан аввал Трамп баёнот бериб Сурияда ўзини “Ислом Давлати” деб атовчи гуруҳга қарши кураш деярли якунланганини, бундан кейин Америка ҳарбийларнинг Сурияда қолишидан маъно йўқлигини айтган эди.

АҚШ бошчилигидаги халқаро коалиция 2014 йилдан бери Сурияда радикал исломчиларга қарши кураш олиб боради. Америка ҳарбий контингенти икки минг кишига яқин. Коалиция Сурия мухолифати кучларини қўллаб-қувватлайди.

XS
SM
MD
LG