Ссылки доступа

Трамп Путинни, Россия ва Эронни Сурия аҳолисига кимёвий ҳужум қилганликда айблади


АҚШ президенти Дональд Трамп президента Путинни, Россия ва Эронни Сурияда кимёвий қурол қўллаганлик учун жавобгар деб айтди.

Трамп Твиттерда шундай деб ёзди:

"Ҳалок бўлганлар кўп, аёллар ва болалар ҳам Суриядаги кимёвий ҳужумнинг қурбони бўлди. Бу ёвузлик содир бўлган ҳудуд Сурия армияси томонидан тўсиб қўйилган ва ўраб олинган, бу ҳолат эса бошқа мамлакатлардан гувоҳлар у ерга боришини иложсиз қилиб қўймоқда. Президент Путин, Россия ва Эрон Асад деган ҳайвонни қўллаб-қувватгани учун жавобгар...".

Асад содир қилинган ёвузлик учун қаттиқ жавоб бериши шарт, деб баён қилганини, таъкидлайди "Америка овози".

Рим папаси Франциск Сурияда заҳарли газ қўллаб, ҳужум содир этилганини 8 апрель, якшанба куни кескин танқид қилди. "Урушнинг яхшиси ҳам, ёмони ҳам бўлмайди, демак бу қуролсиз одамларга нисбатан оммавий қирғин воситаларини қўллашни оқлаши мумкин эмас", - деб баён қилди Франциск Ватикандаги якшанба кунги ибодат вақтида. “Понтифик ўнлаб қурбонлар берилгани ҳақида Суриядан келаётган даҳшатли хабарлар” муносабати билан сиёсий ва ҳарбий раҳбарлардан “бошқа йўл, тинчликка олиб келадиган ягона йўл – музокараларни танлашни” талаб қилди.

Туркия ТИВ ҳам Дума шаҳрида кимёвий қурол қўланилганини қоралади, Анқаранинг фикрига кўра, бунинг ортида илгари ҳам икимёвий қурол қўллагани билан танилган Сурия тузуми турибди.

Бир қатор хайрия ташкилотлари қўғолончиларнинг назорати остидаги Дума шаҳрига қилинган ҳаво ҳужумларида хлорланган газ ишлатилганидан келиб чиқмоқда. 150 киши унинг қурбони бўлган бўлиши мумкин. Сурия расмий ОАВ бу хабарларни инкор қилаяпти.

Россия ТИВ Суриядаги кимёвий ҳужум ҳақидаги хабарни "ўйлаб чиқарилган" деб атади. Суриядаги томонларни яраштириш бўйича Россия марказининг бошлиғи генерал-майор Юрий Евтушенко Башар Асад тузуми томонидан Шарқий Гутада кимёвий қурол қўллагани ҳақидаги хабарлар ҳақиқатга тўғри келмаслигини билдирди..

Халқаро француз радиоси Россия Қуролли кучлари штабининг бошлиғи генерал-майор Валерий Герасимов томонидан яқинда қилинган огоҳлантиришни иқтибос қилиб келтирмоқда. Генерал жангарилар Шарқий Гутада кимёвий ҳужумни саҳналаштираётганини таъкидлаган эди.

XS
SM
MD
LG