Сапардың алғашқы күні қырғыз басшысы Түркия президенті Режеп Тайып Ердоғанмен кездесіп, бірқатар келісімге қол қояды. Бұған қоса Жээнбеков Ататүрік кесенесіне гүл қояды. Ертең, 10 сәуірде, ол премьер-министр Бинали Йылдырыммен, Ұлы ұлттық жиналыстың спикері Исмаил Кахраманмен кездеседі.
Сапар бағдарламасында Түркиядағы қырғыз диаспорасының өкілдерімен кездесу, Анкарада Шыңғыс Айтматов ескерткішіне бару жоспарланған.
Әрі қарай, 11-12 сәуірде, Сооронбай Жээнбеков Брюссельде Еуропалық одақ институттарына сапарлайды.