Ссылки доступа

Өзбекстанда салык комитетинин башчысы сурак берүүдө


Мамлекеттик салык кызматындагы ири каржы жетишсиздигинен улам, бул мекеменин башчысы – генерал Батыр Парпиев суракка алынууда.

Салык комитетиндеги өз булак кабарлагандай, ондогон миллион доллардын дайыны чыкпай калган.

Башкы прокуратуранын өкүлү Батыр Парпиевден чыгымдардын ордун толтуруу талап кылынып жатканын билдирди. Аткаминер менен кошо Мамлекеттик салык кызматынын дагы бир нече жооптуу кызматкерлери сурак берүүдө.

13-февралда президент Шавкат Мирзиёевдин тапшырмасы менен Башкы прокуратура жана Каржы министрлигинин кызматкерлери салык комитетинде ири текшерүү башташканы кабарланган. Бул иш менен 65 тергөөчү алектенип жатканы айтылууда.

Салык комитетиндеги текшерүү 15-апрелге чейин созулат жана анын жыйынтыктары тууралуу өлкө президентине маалымат берилет.

XS
SM
MD
LG